قصیدة فی القدس-علی حکیم

صعب ولراد  منک خاب

فوگ امنل نجم راسک

جبل. مجبل علیک الریح

جییش جیش من اغیوم

راد ایجرب احساسک 

ضحکت او ضحکتک من نار

حرگت  بوه  الحچایات

ضووت کل درب  تایه

ضحکت او ضحکتک برکان

چا غططه الملوک اذنوب لو فایح

ضحکت او خانک التاریخ

سوود روحه مو روحک

حزن من عندک البارود

عشگت الماو عیدک بی

هلاهل تنگط اجروحک

صبرک شجره الزیتون

حملت الغصون اهات

جفلت الورق دمعه

و حویت الثمر حسرات

کل حسره ابالف شمعه

واعرفک یا سفینه نوح 

ماتغرگ ابگـــــطره مای

بس غرّگت ناسـک خیر

من کسرت صمت النای

او من عشگ العصاری تلوج

مر ضعن العروبه ایخاف

ولحادی ابعجل یحدی

منعدها او رسمت النیل 

یشبه رسم خط کارون

منعدها او صحت وحدی

منعدها او صحت وحدی

 

✏علی حکیم